2012-05-21 დედოფლისწყაროს საჯარო სკოლის მათემატიკის პედაგოგი, ელენე პოპიაშვილი აცხადებს, რომ სკოლის დირექტორს, ია ლაპიაშვილს, რესურსცენტრის ხელმძღვანელმა მოსთხოვა, რომ ელენე პოპიაშვილს დაეწერა განცხადება სამსახურიდან გათავისუფლების შესახებ. დირექტორმა მასთან პირად საუბარში მიზეზად დაასახელა ის, რომ ქ-ნი ელენე კოალიაცია „ქართული ოცნების“ რაიონული შტაბის აქტივისტის - გიორგი ნასრაშვილის მეუღლეა. ელენე პოპიაშვილს განცხადება საკუთარი ნებით არ დაუწერია და აცხადებს, რომ დაელოდება სამსახურიდან გათავისუფლების ბრძანებას.