9 სექტემბერს პოლიტიკური გაერთიანების „ძლიერი საქართველო - ლელო, ხალხისთვის,

თავისუფლებისთვის!" ადგილობრივი ლიდერი იორმუღანლოს თემში, ვუასალ კაიბოვი,

იარაღის უკანონო შეძენა-შენახვის ბრალდებით დააკავეს. იმავე დღეს სიღნაღის რაიონული

სასამართლოს განჩინების საფუძველზე ვუასალ კაიბოვის საცხოვრებელი სახლი გაიჩხრიკა.

ჩხრეკის შედეგად, სამართალდამცავებმა სხვენიდან 2 ძველი იარაღი ამოიღეს. „სამართლიანი

არჩევნების" დამკვირვებლისათვის მიწოდებული ინფორმაციის მიხედვით, ამოღებული

იარაღები, სავარაუდოდ, კაიბოვის ბაბუას ეკუთვნოდა. სიღნაღის სასამართლომ გადაწყვეტილების საფუძველზე, კაიბოვი 2 000 ლარიანი გირაოს სანაცვლოდ გაათავისუფლა.

„ძლიერი საქართველოს" საგარეჯოს შტაბის უფროსის განცხადებით, კაიბოვის დაკავება მის

პოლიტიკურ აქტივობას და რეგიონში ახალგაზრდა მხარდამჭერების მობილიზებას

უკავშირდება.